或者是對陌生人不知有意或無意的冒犯缺少包容，每逢遇上時心裡總會有一股小小的怒氣湧上。例如今早出地鐡站上樓梯時，有個男人由後面行上超越我，不防他的手臂輕擦過我的左手臂(我即時有點不滿)，然後下梯級行到出口時，個男人突然停步，大佬呀，人人都急急腳趕返工，他行在我前面無啦啦突然一停步，我幾乎成個人跌撞去佢背脊(下梯級中)！我急剎步，雙手下意識舉起，胡亂推撞上了那男人的背脊。對，係我推撞到人，但我沒有說對不起，反而那一刻真係無名火起，雙眼由後面怒睥去，心想，如果佢擰頭過嚟望，佢就知死！
為何回頭望就死梗，因為之前有友分享過，凡係故意撞女人的男人，過後一定會回頭望下個女人(唔知咩心態)。個男人沒有回望，我氣消了少少，歸入無意撞倒 (係，明明係我喺後面推撞到佢 )。但原來佢可能真係故意的，因為那男人過了馬路之後，回頭向我張望。妖！
4 則留言:
下次如果遇到同類事件，我勤妳都係小心D，尤其妳鋒利嘅眼神，妳一個女人仔，除非妳真係武功非凡，否則小心通街有傻佬。
昨日同個friend飲茶，佢講開俾個同事專登撞嘅經歷，佢話好彩好快有人提佢個位仁兄係傻嘅，否則如果唔小心進一步刺激咗佢，都唔知再會有咩後果。
我在地鐵亦親身經歷過無啦啦有人走埋身鬆我一睜。最恐怖果次，係在灣仔地鐵入面，見有條友一路傻叫，一路跑去打咗一個男人背脊一拳，個男人俾佢打到瞓咗落地，猛同人講話唔識果條友，。個傻佬之後一直傻叫，人群就如摩西出紅海咁，分開咗條通道俾佢走咗。
有些人故意撞人的, 而且不會回頭看, 我都好幾次這類事件, 當時路不窄人不多, 除非佢係盲的, 否則不會大力撞到人也不回頭看, 還輕鬆繼續行, 扮到好似沒有撞到人那樣.
Eben︰
遇上癲佬，No No No！
DeepC︰
有啲人行路好大動作，迎面都中招！
發佈留言