2013年10月12日星期六

起痧

今日在MB試做某種Body機,即代替人手推淋巴的,忘記部機叫甚麼名字了。做完整個背部都是紅痧,其中有些部位還見深紅色的,之後整個人輕鬆了很多,尤其痠痛了一段日子的小腿亦不見疲累了,效果不錯。在MB這麼多年來我都未試過做Body機,主要覺得這些燒錢的玩意始終不宜太投入,再者覺得人手推淋巴已經不錯了。今次願意試做,是因為Body師提出了優惠,即以四十五分鐘的價錢,但就幫我做足九十分鐘。

事後免不了聽她們遊說我買套票,最少買十次,一次四十五分鐘,共三千元,買五千以上可以平啲,但我真的沒意欲買。隨口說有同事在其他美容店購買的做Facial及Body套票,是一百元做一次,項目不限,其中有某溶脂減肥機,用機做三十分鐘一次一百元,相比MB用機做四十五分鐘推淋巴是收三百。

對方面色沉了沉(第一次見),然後以不滿的口吻但力求輕鬆的說︰咁你咪去試下囉,你比較下佢哋用咩機,我哋用咩機,我哋嘅淋巴機(有個專業名稱,我記不起了)係MB最受歡迎嘅,啲客搶住做,因為機頭啜嘅力度好大但唔痛,你頭先試過都知啦。

不否認剛才試做的淋巴機的確比人手到位,又不怎麼痛,久不久做一次是不錯的選擇,尤其見背脊被機推得起了紅痧,都覺得體內很多毒素被帶了出來。但我的久不久是指一年做一或兩次,同她們所說的每月做一次差去甚遠,所以我不想幾千幾千咁買套票,況且而家有時我連人手的推淋巴都維持不到一個月做一次(九十分鐘)。總之我不想買套票就是啦,職員剛才的少少沉了臉色倒沒有帶給我不快,人家要交Quota數都極不容易,之不過由細節處看,我是個吃軟不吃硬的人(我自己知),她冷了少少的口吻正好幫我打定了主意不買。
  
    

4 則留言:

Ebenezer 說...

被迫消費最唔過癮!

DeepC 說...

如果他們的機係好的, 一定有客, 話晒有錢而手鬆的人大有人在, 佢再做好些service 開單應該不難.

Coffee 說...

Eben︰

對我哋呢啲舊客,迫唔到,要氹:P

Coffee 說...

DeepC︰

而家女性去美容院消費極普及,我有一同事由一畢業起就在美容院買了Facial同Body套票,真係估唔到。

Related Posts Plugin for WordPress, Blogger...