2012年5月20日星期日

都唔知這次係慳儉定係浪費

所以呀,沒事還是乖乖回家呆著最好,不是麼?一見呢間舖不續租大減價,全店所有貨品二折,即刻雞咁腳走入去,驚死會執輸咁。終於揀了二對冬季鞋,一條皮帶,一件中袖 Shirt , 二條連身裙。其中那二對鞋還是同款的,一對暗微棗紅,一對黑,原價 $ 1295 一對,而家 $ 259 一對,款式靚,穿上又舒適,點忍到手呀!反正我早就不追時款鞋了,夏季買定減價冬季貨,早已成為我的穿鞋之道。




因為要存放那二對新買的鞋,留待秋冬季才穿,整理鞋櫃時見到下面這對鞋,嚇然記起買了有十年啦,但應該只穿過一次。當年正價 $ 500 買的,已不記得當初為何少穿,繼而不穿了。其實穿得挺舒服的,十年啦,今時今日再穿,款式也尚算見得人吧!所以買鞋何必一定要買當季款,中規中矩嗰啲,可以穿好耐,最緊要係價錢平了一大截。





至於這對,是同上面那對一起買的,亦是 $ 500 一對,而這對相對穿得多些,但其實都是屈指可數,所以十年啦,仍呆在鞋櫃裏未被棄置。



對呀,我想講的是,如今我再也不會買正價鞋了。

  

6 則留言:

卡臣 說...

如果件貨品是特價,我會用得無乜「鏡鍚」

Coffee 說...

卡臣︰

都係架,感覺上已經賺咗啦!

DeepC 說...

我買最緊要是鞋穿跟來舒服. :)

Coffee 說...

DeepC︰

對!舒服!鞋子的舒服好緊要!

DeepC 說...

Haha, 你真聰明, 知我打什麼.
是的, 鞋子的舒服好緊要!

我買鞋最緊要的是穿得舒服. 因為試過買貴價的或廉價的鞋, 也未必穿得舒服, 而且試過穿到起水泡.

Coffee 說...

DeepC︰

對!鞋有別於衣著,不論平貴,舒服最緊要!

Related Posts Plugin for WordPress, Blogger...